Здарэнне, як удалося даведацца нашай рэдакцыі, адбылося 7-га жніўня. 50-гадовы мужчына на чыгуначнай таварнай станцыі Орша-Ўсходняя трапіў пад матавоз. Як паведамілі ў прэс-службе МУС, пацярпелы ішоў па каляінах адначасна з цягніком і ў адным напрамку з ім і не пачуў, і не ўбачыў вагонаў. У выніку мужчына выжыў, але атрымаў закрытую чэрапна-мазгавую траўму, страсенне мозгу, зламаў ключыцу, а таксама атрымаў множныя ўдары і ранкі. Мужчыну тэрмінова адвезлі ў рэанімацыю.
Затрымкі руху цягнікоў з-за здарэння не было. Пакуль не ўдалося даведацца, ці знаходзіцца жыццё пацярпелага мужчыны ў небяспецы.
