У дзень міру мастачка Таццяна Тур правяла ў Оршы перфоманс "Ні слова пра вайну" накіраваны супраць прапаганды вайны. Увесь перфоманс адбываўся ў закінутым памяшканні, якое нагадвае пасляваенныя руіны.
Мастачка паўстала перад гледачамі ў белым балахоне і з белымі патронамі, якія звісалі над яе галавой. А за пасам - як патрантаж - у яе былі фарбы. Рукамі мастачка фарбавала патроны спачатку ў колер хакі, а потым і ў чырвоны колер. Сканчаўся перфоманс сімвалічным забойствам - патроны ўпалі на мастачку ад чаго яна ўпала на зямлю як забітая.
Рэшткамі чырвонай і зялёнай фарбы Таццяна ў самым канцы вывела на сцяне слова "Мір".
Вашай увазе скарочаная версія перфоманса на відэа.
