Орша, Грамадства

Вінаватыя зноў камунальшчыкі

16.01.2019 12:57

1187 праглядаў, 1 каментар

Скончылася апытанне пра тое наколькі добра прыбраныя ад снегу ходнікі горада

Апытанне было выстаўлена на сайт месяц таму, калі на наш сайт пачалі паступаць скаргі ад жыхароў горада пра траўмы з-за слізкасці на гарадскіх ходніках. Агулам у апытанні прынялі ўдзел 263 чалавекі - самае не папулярнае апытанне за апошнія паў гады. З-за такога нізкага рэйтынгу апытання можна меркаваць, што праблема гэтая для аршанцаў не настолькі была актуальная. Пры гэтым, традыцыйна, шмат людзей гатовыя вінаваціць у кепскай рабоце камунальшчыкаў. Амаль палова - 113 прагаласаваўшых - абралі варыянт адказу, што ў горадзе, сапраўды, вельмі слізка, бо адмысловыя службы кепска працуюць. У прынцыпе, гэта звычайная справа - аршанцы, як і жыхары іншых гарадоў, схільныя абвінавачваць камунальшчыкаў у шмат якіх праблемах. І пры гэтым не вінаваціць саміх сябе - самы не папулярны варыянт адказ - пешаходы самі вінаватыя ў сваіх траўмах. Гэты варыянт набраў усяго 6 галасоў. Другі па папулярнасці адказ набраў толькі 32 галасы "Слізка, але на тое і зіма, ніхто не вінаваты".