Аршанская служба занятасці ў гэтым годзе патраціць больш на перавозку безпрацоўных да месцаў грамадскіх працаў - звяртае ўвагу сайт "Народныя навіны Віцебска". Служба занятасці размесціла тэндар на сайце дзяржзакупак на суму 55.000 рублёў, з 4 сакавіка па канец года аўтобусы, якія будуць вазіць безпрацоўных павінны праехаць арыентыровачна 39.000 кіламетраў. Для параўнання ў мінулым годзе чыноўнікі на дастаўку безпрацоўныз патрацілі з бюджэту 44.000 рублёў. За гэтыя грошы аўтобусы павінны былі накатаць 35.000 кіламетраў. Адпаведна, колькасць грамадскіх работаў для безпрацоўных павялічыцца.
Варта адзначыць, што па так званых грамадскіх працах Орша традыцыйна перавыконвае план і нават забірае на сябе датацыі на такія працы з іншых раёнаў вобласці.
