Пяць прадпрыемстваў Віцебскай вобласці прайшлі у 2018 годзе экалагічную сертыфікацыю сістэм кіравання навакольнага асяроддзя на адпаведнасць патрабаванняў СТБ ISO 14001-2017, паведаміў карэспандэнту БЕЛТА старшыня Віцебскага абласнога камітэта прыродных рэсурсаў і аховы навакольнага асяроддзя Віктар Галанаў. Важныя сертыфікаты атрымалі Верхнядзвінскі масласырзавод, Лакаматыўнае дэпо Орша імя К.С.Заслонава і Аршанскае вагоннае дэпо Мінскага аддзялення Беларускай чыгункі, Коханаўскі трубны завод "Белтрубпласт", ААТ "Віцебскія дываны".
"Гэта прадпрыемствы, якія ў сваёй вытворчасці аказваюць асаблівы ўплыў на аб'екты навакольнага асяроддзя. З атрыманнем сертыфікатаў яны добраахвотна ўзялі на сябе павышаныя абавязацельствы ў сферы прыродаахоўнага заканадаўства, што ў выніку будзе садзейнічаць паляпшэнню экалагічнай абстаноўкі ў рэгіёне", - адзначыў Віктар Галанаў. Усяго ў цяперашні час экалагічную сертыфікацыю прайшлі 20 прадпрыемстваў Віцебскай вобласці.
