Пра гэта інфармацыйнай агенцыі БелТА паведаміў начальнік Следчага камітэту па Віцебскай вобласці Уладзімір Шалухін. Гаворка ідзе пра аварыю, якая адбылася 17 снежня мінулага году. У той аварыі загінула амаль уся сям'я віцебскага футбаліста. Выжыў толькі малодшы сын футбаліста, які знаходзіўся ў дзіцячым крэсле, што і ўратавала яму жыццё. З падрабязнасцяў справы, якія паведаміў Шалухін: ніхто не перавышаў хуткасць. Аўтамабіль "Кіа" якім кіраваў футбаліст ехаў 113 кіламетраў у гадзіну пры дазволеных 120. А эвакуатар з якім сутыкнулася легкавушка ехаў 60 кіламетраў у гадзіну.
Магчыма, што прычынай заносу машыны і далейшага сутыкнення стала слізкая дарога, але на дарозе стаяў часовы знак "Галаледзіца".
